11 جون ، 2023 
پاکستان
پشاور ہائیکورٹ کے باہر دھرنے میں صوبے بھر سے خواجہ سرا شریک ہوں گے— فوٹو:فائل
پشاور: خواجہ سراؤں کا پولیس کیخلاف کل دھرنا دینے کا اعلان
11 جون ، 2023
پشاور میں خواجہ سراؤں نے پولیس کے خلاف کل دھرنا دینے کا اعلان کردیا۔
چیئرپرسن ٹرانس ایکشن الائنس فرزانہ ریاض نے ایک ویڈیو بیان میں کہا ہے کہ خواجہ سراؤں کے قتل اور ان پر تشدد کے واقعات میں مسلسل اضافہ ہورہا ہے اور پولیس خواجہ سراؤں کو تحفظ دینے میں ناکام ہے۔
انہوں نے کہا کہ پولیس خواجہ سراؤں پر تشدد کرنے والے افراد سے ملی ہوئی ہے جبکہ ایف آئی آر کے اندراج میں بھی خواجہ سرا کمیونٹی کو مشکلات درپیش ہیں۔
ان کا کہناتھاکہ پولیس رویے کے خلاف کل ہائیکورٹ کے باہر دھرنا دیں گے جس میں صوبہ بھر کے خواجہ سرا شریک ہوں گے۔
