ورلڈ ٹیسٹ چیمپئن شپ جیتنےکے بعد ٹاپ رینکنگ پرکینگروز براجمان ، بابر کی تنزلی

دبئی : انٹرنیشنل کرکٹ کونسل  (آئی سی سی ) کی جانب سے جاری  ٹیسٹ رینکنگ میں  پاکستان ٹیم کے کپتان بابر اعظم ایک درجے تنزلی کے بعد  5 ویں نمبر پر چلے گئے جب کہ ٹاپ رینکنگ پر بھی آسٹریلوی بیٹرز  براجمان ہیں۔

  آئی سی سی کی جانب سے  ٹیسٹ اور ٹی ٹوئنٹی  پلیئرز کی رینکنگ جاری کردی گئی ہے  جس کے مطابق ٹیسٹ بیٹرز میں آسٹریلیا کے مارنس لبوشین کی پہلی پوزیشن برقرار ہے جب کہ آسٹریلیا کے اسٹیو اسمتھ ایک درجے ترقی کے بعد دوسرے نمبر پر آگئے ہیں ۔

 ورلڈ ٹیسٹ چیمپئن شپ کے مین آف دی میچ ٹریوس ہیڈ تیسرے نمبر پر پہنچ گئے

ٹیسٹ پلیئرز رآسٹریلیا کے ٹریوس ہیڈ کی رینکنگ میں تین درجے بہتری  ہوئی ہے ورلڈٹیسٹ چیمپئن شپ کے مین آف دی میچ ٹریوس ہیڈ  تیسرے نمبر پر پہنچ گئے ہیں۔

نیوزی لینڈ کے کین ولیمسن دو درجے تنزلی کے بعد چوتھے نمبر پر چلے گئے ،ٹیسٹ رینکنگ میں بابراعظم ایک درجے تنزلی کے بعد پانچویں اور انگلینڈ کے جوروٹ چھٹے نمبر پر چلے گئے ہیں۔

 ٹیسٹ بولرز میں بھارت کے روی چندرن ایشون کی پہلی پوزیشن برقرار ہے، انگلینڈ کے اولی رابنسن ایک درجے ترقی کے بعد چھٹے نمبرآگئے ہین اور  آسٹریلیا کے نیتھن لیون کی ایک درجے ترقی کے بعد ساتویں پوزیشن ہے۔

ٹی ٹوئنٹی بیٹرز رینکنگ میں پاکستان کے محمد رضوان دوسرے اور کپتان بابر اعظم تیسرے نمبر پر براجمان

 ٹیسٹ آل راؤنڈرز میں بھارت کے رویندرا جڈیجا کی پہلی اور  ٹی ٹوئنٹی بیٹرز میں بھارت کے سوریا کمار یادیو کی پہلی پوزیشن برقرار ہے۔

ٹی ٹوئنٹی بیٹرز رینکنگ میں پاکستان کے محمد رضوان دوسرے اور  کپتان بابر اعظم تیسرے نمبر پر موجود ہے۔

ٹی ٹوئنٹی بولرز میں افغانستان کے راشد خان پہلے نمبر پر جبکہ ٹی ٹوئنٹی آل راؤنڈرز میں بنگلادیش کے شکیب الحسن کا پہلا نمبر موجود ہے۔