14 جون ، 2023 
پی ایف ایف کی قومی ویمن فٹبال ٹیم کیلئے انٹرنیشنل میچز کے حصول کی کوششیں
14 جون ، 2023
پاکستان فٹبال فیڈریشن (پی ایف ایف) نے اگلے ماہ ہونے والی فیفا ونڈو میں قومی ویمن فٹبال ٹیم کیلئے انٹرنیشنل میچز کے حصول کی کوششیں شروع کردی ہیں، دو ملکوں سے رابطے ہوگئے۔
ذرائع کا کہنا ہے کہ پی ایف ایف قومی ویمن فٹبال ٹیم کے بین الاقوامی میچز کیلئے کرغزستان اور ماریشیز سے رابطے میں ہے تا کہ 10 سے 18 جولائی کی ونڈو میں خواتین فٹبالرز کیلئے انٹرنیشنل میچز کرائے جا سکے۔
ذرائع کے مطابق ماریشیز میں چار ملکی فٹبال ٹورنامنٹ کی بھی تجویز ہے تاہم اس پر حتمی فیصلہ نہیں ہوا جبکہ کرغزستان میں دو فرینڈلی میچز کرانے پر بات چیت جاری ہے۔
ذرائع کا کہنا ہے کہ ان میچز کی تیاری کیلئے پی ایف ایف قومی ویمن فٹبالرز کیلئے تربیتی کیمپ 18 جون سے شروع کر رہا ہے جس میں ان میچز کیلئے ممکنہ کھلاڑیوں کو طلب کیا جائے گا۔
