16 جون ، 2023 
ملک میں چینی، آٹا اور چاول کی قیمتوں میں اضافہ، مہنگائی کی شرح 34.96 فیصد ہوگئی
16 جون ، 2023
ادارہ شماریات نے مہنگائی کی ہفتہ وار رپورٹ جاری کردی۔
ادارہ شماریات کے مطابق ملک میں مہنگائی کی شرح 0.20 فیصد بڑھ گئی جس کے بعد مجموعی شرح 34.96 فیصد پر پہنچ گئی۔
ادارہ شماریات نے بتایا کہ 19 اشیائے ضروریہ کی قیمتوں میں اضافہ، 12 میں کمی اور 20 کی قیمتیں مستحکم رہیں۔
رپورٹ کے مطابق چینی کی فی کلو قیمت میں 5 روپے کا اضافہ ہوا، آٹے کا 20 کلو تھیلے 35 روپے، مٹن،گڑ اور دال ماش 5 روپے فی کلومہنگی ہوئی۔
اس کے علاوہ چاول، ٹماٹر، آلو بھی مہنگی ہونے والی اشیا میں شامل ہیں۔
ادارہ شماریات کے مطابق پیاز فی کلو 5 روپے، کیلے فی درجن 11 روپے اور انڈے فی درجن 13 روپے سستے ہوئے۔
دال مونگ 6 روپے، دال چنا 4 روپے اور دال مسور ایک روپے فی کلو سستی ہوئی، اس کے علاوہ ایل پی جی، گھی کی قیمتوں میں کمی ہوئی ہے۔
مزید خبریں :
انٹربینک میں ڈالر مہنگا ہوگیا
2 گھنٹے پہلے
ملک میں فی تولہ سونےکی قیمت کتنی ہے؟
4 گھنٹے پہلے
پاور سیکٹر کو مزید 50 ارب روپے سے زائد کی سبسڈی دینے کا فیصلہ
22 دسمبر ، 2024
دو روز کی کمی کے بعد فی تولہ سونا یکدم سیکڑوں روپے مہنگا ہوگیا
21 دسمبر ، 2024
پاکستان میں سونے کی درآمدات تاریخ کی بلند ترین سطح پر پہنچ گئیں
20 دسمبر ، 2024
