20 جون ، 2023 
ایشین انڈر 21 اسنوکر چیمپئن شپ، احسن رمضان سیمی فائنل میں پہنچ گئے
20 جون ، 2023
ایران میں جاری ایشین انڈر 21 اسنوکر چیمپئن شپ میں پاکستان کے احسن رمضان نے بھارت کے ڈگ وجے کادیان کو شکست دے کر سیمی فائنل کیلئے کوالیفائی کرلیا۔
تہران میں جاری ایونٹ میں پاکستان کے احسن رمضان نے بھارتی حریف کے خلاف اعصاب پر قابو پاتے ہوئے 2-3 کے خسارے سے کم بیک کرکے 3-4 سے کامیابی اپنے نام کی۔
بیسٹ آف 7 فریمز پر مشتمل کوارٹر فائنل میں احسن نے ابتدائی دو فریمز 19-76 اور 36-76 سے جیت کر برتری حاصل کی مگر اس کے بعد بھارت کے ڈگ وجے کادیان نے مسلسل تین فریمز جیت کر 2-3 کی برتری اپنے نام کی۔
ایسے میں احسن رمضان نے اپنے اعصاب پر قابو رکھتے ہوئے آخری دو فریمز 27-65 اور 9-70 کے اسکور سے اپنے نام کرکے یہ میچ 3-4 سے جیت لیا اور سیمی فائنل کیلئے کوالیفائی کرلیا۔
احسن کی اس میچ میں کامیابی کا اسکور 19-76، 36-76، 35-67، 31-63، 55-72، 27-65، 9-70 رہا۔
