دنیا

غرقاب آبدوز کے سی ای او کی اہلیہ اور ٹائی ٹینک میں ڈوبنے والے معمر جوڑے کا تعلق سامنے آگیا

23 جون ، 2023

اوشین گیٹ کے سی ای او اسٹاکن رش کی اہلیہ وینڈی رش ٹائی ٹینک حادثے میں ڈوبنے والے معمر جوڑے کی پڑپوتی ہیں— فوٹو: فائل

بحر اوقیانوس میں غرقاب ہونے والی آبدوز ’ٹائٹن‘ کے پائلٹ اور اوشین گیٹ کمپنی کے سی ای او اسٹاکٹن رش کی اہلیہ کے 1902 میں ڈوبنے والے جہاز ٹائی ٹینک پر سوار معمر جوڑے سے رشتے کے متعلق اہم انکشاف سامنے آگیا۔

غیر ملکی خبر ایجنسی کے مطابق اوشین گیٹ کے سی ای او اسٹاکن رش کی اہلیہ وینڈی رش ٹائی ٹینک حادثے میں ڈوبنے والے معمر جوڑے کی پڑ پوتی ہیں۔

ازی ڈور اسٹراس اور ان کی اہلیہ ایڈا 1912 میں ٹائی ٹینک کے ساتھ پیش آنے والے حادثے میں جاں بحق ہو گئے تھے— فوٹو: فائل

وینڈی رش کے پڑدادا ازی ڈور اسٹراس نے اپنے بھائی کے ساتھ مل کر معروف امریکی ملبوسات کے برانڈ ’میکیز‘ کی بنیاد رکھی تھی۔

ازی ڈور اسٹراس اور ان کی اہلیہ ایڈا 1912 میں بحر اوقیانوس سے گزرتے وقت مسافر بردار بحری جہاز ٹائی ٹینک کے ساتھ پیش آنے والے حادثے میں جاں بحق ہو گئے تھے۔

ہالی ڈائریکٹر جیمس کیمرون کی مشہور زمانہ فلم ’ٹائی ٹینک‘ میں ڈوبتے وقت جہاز کے فرسٹ کلاس کیبن کے بستر پر پرسکون انداز میں لیٹنے والے معمر جوڑے کی صورت میں ازی ڈور اسٹراس اور ان کی اہلیہ ایڈا اسٹراس کے کرداروں کو بھی فلمایا گیا تھا۔

فلم ’ٹائی ٹینک‘ میں ڈوبتے وقت جہاز کے فرسٹ کلاس کیبن کے بستر پر پرسکون انداز میں لیٹنے والے معمر جوڑے کی صورت میں ازی ڈور اسٹراس اور ان کی اہلیہ ایڈا اسٹراس کے کرداروں کو بھی فلمایا گیا تھا— فوٹو: فائل

واضح رہے کہ بحراوقیانوس میں ٹائی ٹینک کی باقیات دیکھنے کیلئے جانے والے سیاحوں کی لاپتہ آبدوز ٹائٹن کا ملبہ ملنے کے بعد آبدوز کی مالک کمپنی اوشین گیٹ نے اس میں سوار پانچوں افراد، کمپنی کے سی ای او اسٹاکٹن رش، دو پاکستانیوں شہزادہ داؤد اور ان کے بیٹے سلیمان داؤد سمیت ہیمش ہارڈنگ اور پال ہنری نارجیولیٹ کی موت کی تصدیق کردی ہے۔

خیال رہے کہ 1912 میں تباہ ہونے والے مسافر بردار بحری جہاز ٹائی ٹینک کا ملبہ دیکھنے کیلئے جانے والی آبدوز ٹائٹن 18 جون کو بحر اوقیانوس میں لاپتہ ہوئی گئی تھی۔