04 جولائی ، 2023 
پاکستان
ڈاکوؤں نے پولیس اہلکار کی رہائی کے بدلے گرفتار ساتھیوں کو رہا کرنے کا مطالبہ کردیا— فوٹو:فائل
کچے کے ڈاکوؤں نے شکارپور سے پولیس اہلکار کو اسلحہ سمیت اغوا کرلیا
04 جولائی ، 2023
شکارپور کے علاقے گڑھی تیغو ڈاکوؤں نے ایک پولیس اہلکار کو اسلحہ سمیت اغوا کرلیا۔
پولیس کے مطابق پولیس اہلکار نصراللہ جتوئی کو ڈیوٹی پر جاتے ہوئے ڈاکوؤں نے اغوا کیا اور کچے کی طرف فرار ہوگئے۔
پولیس اہلکار کے اغوا کے بعد کچے کے داخلی اور خارجی راستوں پر ناکہ بندی کردی گئی اور بھاری نفری مغوی اہلکار کی بازیابی کیلئے کچے کی طرف روانہ کردی گئی۔
دوسری جانب ڈاکوؤں نے پولیس اہلکار کی رہائی کے بدلے گرفتار ساتھیوں کو رہا کرنے کا مطالبہ کردیا۔
