06 جولائی ، 2023 
48 سالہ امریکی گلوکارہ کی خودکشی، 3 دن کوما میں رہنے کے بعد چل بسی
06 جولائی ، 2023
ہالی وڈ کی 48 سالہ نامور گلوکارہ اور ڈزنی اسٹار کوکو لی نے خودکشی کرلی۔
گلوکارہ کوکو لی کی بہن نے ان کی موت کی تصدیق کرتے ہوئے بتایا کہ اس نے گزشتہ اتوار کو خودکشی کی کوشش کی تھی جس کے بعد اس کی حالت غیر ہوگئی تھی، تاہم فوری طور پر اسپتال منتقل کرنے کے باوجود کوکولی کوما میں چلی گئیں۔
تین دن تک کوما میں رہنے کے بعد کوکولی جانبر نہ ہوسکی اور دنیا کو خیرباد کہہ گئی۔
گلوکارہ کی بہن کی جانب سے سوشل میڈیا پوسٹ میں بتایا گیا ہے کہ کوکو لی کچھ سالوں سے ذہنی تناؤ کا شکار تھی اور انہوں نے گھر میں ہی خودکشی کرنے کی کوشش کی۔
کوکو لی ایک چینی امریکی گلوکار ہیں جنہوں نے انگریزی اور چینی زبان مینڈارن میں گانوں کے البم جاری کیے۔
اس کے علاوہ 2001 میں وہ فلم 'کروچنگ ٹائیگر، پوشیدہ ڈریگن' میں آسکر کے لیے نامزد گانا پرفارم کرنے کے لیے مشہور ہیں۔
غیر ملکی خبر رساں ادارے کے مطابق گلوکارہ کوکو لی کا تعلق ہانگ کانگ سے تھا، لیکن وہ بچپن میں ہی امریکا شفٹ ہوگئی تھیں جہاں انہوں نے اپنی ابتدائی تعلیم حاصل کی اور بعدازاں شوبز کی دنیا سے وابستہ ہوگئیں۔
کوکو لی کی ڈزی ہٹ فلموں میں Mulan اور Crouching Tiger, Hidden Dragon سمیت دیگر فلمیں شامل ہیں جبکہ وہ گلوکارہ ہونے کے ساتھ ڈانسر بھی تھیں اور ٹی وی شوز کی جج بھی رہیں۔
مزید خبریں :
شاہ رخ اپنی تینوں اولادوں میں کس کو زیادہ ترجیح دیتے ہیں؟
03 نومبر ، 2024
