06 جولائی ، 2023 
حارث رؤف کی مہندی کی تصویر سامنے آگئی، دھماکے دار انٹری کی ویڈیو بھی وائرل
06 جولائی ، 2023
پاکستان کے اسٹار بولر حارث رؤف کی مہندی کی تصویر اور چند ویڈیوز منظرِ عام پر آئی ہیں۔
حارث رؤف اور مزنا مسعود ملک کی شادی کل یعنی جمعہ کو ہے جب کہ منگل کی شب حارث کی ڈھولکی اور قوالی نائٹ ہوئی اور بدھ کی رات کرکٹر کی مہندی کی تقریب ہوئی۔
حارث رؤف نے مہندی پر گہرے ہرے رنگ کا کُرتا زیب تن کیا جس پر سلور رنگ کا کام ہوا تھا۔
فاسٹ بولر کی رسم کی تصویر سوشل میڈیا کے مختلف پلیٹ فارمز پر وائرل ہورہی ہے۔
اس کے علاوہ کرکٹر نے مہندی میں دھماکہ خیز انٹری دی، کروڑوں کرکٹ شائقین کے پسندیدہ کھلاڑی نے اپنی مہندی پر گھوڑی اور ہیوی بائیک پر انٹری دی۔
جہاں حارث تقریب میں انٹری دے رہے ہیں وہیں آسمان پر ان کے دوستوں اور کزنز کی جانب سے آتش بازی کا مظاہرہ کیا گیا۔
دوسری جانب فاسٹ بولر کی مہندی کی تقریب کے سیٹ اپ اور سجاوٹ کی ویڈیو بھی سامنے آئی ہے۔
واضح رہے کہ حارث رؤف کی شادی میں شرکت کے لیے کراچی سے دیگر کرکٹرز بھی اسلام آباد جائیں گے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
