09 جولائی ، 2023 
قومی ٹیم کے کولمبو پہنچنے پر ڈھول کی تھاپ پر کھلاڑیوں کا استقبال
09 جولائی ، 2023
سری لنکا سے ٹیسٹ سیریز کیلئے پاکستان کرکٹ ٹیم کولمبو پہنچ گئی۔
ذرائع کے مطابق پاکستان کرکٹ ٹیم آج آرام کرے گی جبکہ کل ہمبنٹوٹا روانہ ہوگی جہاں 11 اور 12 جولائی کو 2 روزہ وارم اپ میچ کھیلا جائےگا۔
سری لنکا پہنچنے پر قومی ٹیم کا استقبال روایتی انداز میں کیا گیا جس کی ویڈیو وائرل ہوگئی، وائرل ویڈیو میں ڈھول کی تھاپ اور کرتب کے ساتھ قومی ٹیم کا استقبال دیکھا جاسکتا ہے۔
ذرائع کا کہنا ہے کہ پاکستان کرکٹ ٹیم کے بولنگ کوچ اور سابق فاسٹ بولر مورنی مورکل بھی کولمبو پہنچ گئے، بولنگ کوچ نے قومی ٹیم کو جوائن کر لیا ہے۔
ویزہ بروقت نہ ملنے کی وجہ سے مورنی مورکل کراچی میں کیمپ کے دوران نہیں پہنچ سکے تھے۔
پاکستان اور سری لنکا کے درمیان 2 ٹیسٹ میچوں کی سیریز کھیلی جائے گی، پہلا ٹیسٹ 16 جولائی سے گال جبکہ دوسرا ٹیسٹ 24 جولائی سے کولمبو میں شیڈول ہے۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
