12 جولائی ، 2023 
ورلڈ انڈر 21 اسنوکر چیمپئن شپ میں حمزہ الیاس کا فاتحانہ آغاز
12 جولائی ، 2023
ورلڈ انڈر 21 اسنوکر چیمپئن شپ میں حمزہ الیاس نے فاتحانہ آغاز کیا ہے اور اپنے دونوں ابتدائی میچز جیت لیے۔
حمزہ الیاس نے پہلے میچ میں عراق کے عمر الفہدل کو شکست دی۔ پاکستانی کیوئسٹ نے بیسٹ آف 5 مقابلہ بغیر کوئی فریم ڈراپ کیے جیتا۔
حمزہ کی جیت کا اسکور 50-64، 39-73 اور 8-76 رہا۔ حمزہ نے اپنا دوسرا میچ بھارت کے 12 سالہ آراوو سنچیتی کیخلاف کھیلا۔
17 سالہ حمزہ الیاس نے بھارت کے آراوو سنچیتی کو 1-3 سے شکست دی، حمزہ نے پہلا فریم ٹائی بال پر ہارنے کے بعد تین مسلسل فریمز جیتے، آخری فریم میں حمزہ الیاس نے 50 کا بریک بھی کھیلا۔
مسلسل دو میچز جیت کر حمزہ کی اگلے راؤنڈ تک رسائی پکی ہوگئی ہے، حمزہ الیاس اپنا آخری میچ کل جرمنی کے فیبیان ہیکن کے خلاف کھیلیں گے۔ پاکستان کے احسن رمضان گروپ کے تینوں میچز کل کھیلیں گے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
