12 جولائی ، 2023 
پوری ٹیم سری لنکا سے ٹیسٹ سیریز کیلئے پرعزم ہے: حسن علی
12 جولائی ، 2023
پاکستان کرکٹ ٹیم کے فاسٹ بولر حسن علی کا کہنا ہے کہ سری لنکا کرکٹ پریذیڈنٹس الیون کیخلاف دو روزہ وارم اپ میچ میں ٹیم کو ٹیسٹ سیریز کی تیاری کا اچھا موقع ملا۔
ایک انٹرویو میں انہوں نے کہا کہ کاؤنٹی کرکٹ میں کافی اعتماد ملا، وہ دو ٹیسٹ میچز کی سیریز میں اچھا پرفارم کرکے اپنی کھوئی ہوئی فارم واپس لانے کی کوشش کریں گے۔
حسن علی نے کہا کہ وارم اپ میچ میں اپنی کارکردگی سے مطمئن ہوں، سری لنکا کیخلاف ٹیسٹ سیریز میں اچھا پرفارم کرنے کی کوشش کروں گا، اپنی کھوئی ہوئی فارم کو بحال کرنے کی کوشش کروں گا، پی ایس ایل کے بعد کاؤنٹی کھیلنے گیا، وہاں پرفارمنس اچھی رہی۔
حسن علی نے مزید کہا کاؤنٹی میں پرفارمنس سے مجھے کافی اعتماد ملا ہے، بیٹنگ کی بھی پریکٹس کرتا ہوں، نیٹس پر تیاری کرتا ہوں، دو روزہ وارم اپ میچ ٹیم کیلئے اہم تھا، موسم سے ایڈجسٹ ہونے میں مدد ملی۔
حسن علی نے کہا کہ دو دن میں ہم نے 14 وکٹیں لیں، کچھ پلیئرز نے رنز بھی کیے جو پُراعتماد ہے، پوری ٹیم سری لنکا سے ٹیسٹ سیریز کیلئے پرعزم ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
