13 جولائی ، 2023 
کھیل
شجر عباس نے ایشین ایتھلیٹکس چیمپئن شپ کے سیمی فائنل میں جگہ بنا لی۔ فوٹو سوشل میڈیا
پاکستان کے شجر عباس نے ایشین ایتھلیٹکس چیمپئن شپ میں نیا قومی ریکارڈ بھی بنا ڈالا
13 جولائی ، 2023
پاکستان کے ایتھلیٹ شجر عباس نے تھائی لینڈ میں جاری ایشین ایتھلیٹکس چیمپئن شپ میں مینز 100 میٹر کے سیمی فائنل میں جگہ بنا لی۔
جمعرات کو 100 میٹر کی تیسری ہیٹ میں شجر عباس نے ریس 10 اعشاریہ 37 سیکنڈز میں مکمل کی اور تیسری پوزیشن حاصل کرتے ہوئے سیمی فائنل کے لیے کوالیفائی کیا۔
سعودی عرب کے اکبر محمد 10 اعشاریہ 18 سیکنڈز کے ساتھ پہلے جبکہ قطر کے ایتھلیٹ 10 اعشاریہ 19 سیکنڈز کے ساتھ دوسرے نمبر پر رہے۔
شجر عباس نے 10.37 کی ٹائمنگ کے ساتھ 100 میٹر میں نیا قومی ریکارڈ بھی بنایا۔ اس سے قبل شجر عباس ہی نے 10.38 کی ٹائمنگ سے کامن ویلتھ گیمز میں یہ ریکارڈ اپنے نام کیا تھا۔
یاد رہے کہ ایشین ایتھلیٹکس چیمپئن شپ میں 100 میٹر کی سیمی فائنل دوڑ کل ہو گی۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
