13 جولائی ، 2023 
اسامہ میر انگلینڈ میں دی ہنڈریڈ کے دوران ایکشن میں ہوں گے
13 جولائی ، 2023
پاکستان کرکٹ ٹیم کے آل راؤنڈر اسامہ میر اس سال انگلینڈ میں دی ہنڈریڈ کے دوران ایکشن میں ہوں گے، اسامہ میر کو مانچسٹر اوریجنلز نے سائن کرلیا ہے۔
مانچسٹر اوریجنلز ٹیم انتظامیہ کے مطابق پاکستان کے آل راؤنڈر اسامہ میر کو سری لنکا کے ونندو ہسارنگا کی جگہ ٹیم کا حصہ بنایا گیا ہے۔
اسامہ میر 2023 دی ہنڈریڈ میں ایکشن میں نظر آنے والے پانچویں پاکستانی ہوں گے۔
ان سے قبل شاہین آفریدی، حارث رؤف، شاداب خان اور احسان اللہ بھی مختلف ٹیموں سے معاہدے سائن کرچکے ہیں۔
اسامہ میر نے حال ہی میں ٹی ٹوئنٹی بلاسٹ میں اپنی شاندار پرفارمنس سے سب کی توجہ حاصل کرلی تھی۔
معاہدے کے بعد اسامہ میر نے کہا کہ ان کی ہمیشہ خواہش تھی کہ وہ دی ہنڈریڈ کا حصہ بنیں، اس سال ان کا ہدف تھا کہ وہ یہاں ایکشن میں ہوں، خوشی ہے کہ انہیں یہ موقع ملا ، کوشش کریں گے کہ اچھی کارکردگی دکھاکر سب کو متاثر کریں۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
