15 جولائی ، 2023 
’عوام سگریٹ پینے والوں کو گھوریں‘، ہانگ کانگ میں اسموکنگ روکنے کا دلچسپ طریقہ
15 جولائی ، 2023
ہانگ کانگ نے سگریٹ نوشی کی روک تھام کے لیے ایک انوکھا طریقہ اپنانے کا فیصلہ کیا ہے جس میں شہریوں کو سگریٹ پینے والوں کو گھورنے کا مشورہ دیا گیا ہے۔
ہانگ کانگ حکومت اس وقت انسداد تمباکو کے لیے اقدامات کررہی ہے جہاں اس معاملے پر بحث چل رہی ہےکہ تمباکو نوشی کو کیسے کم کیا جائے۔
ہانگ کانگ کے سیکرٹری صحت نے اس حوالے سے مشورہ دیا ہےکہ ایسے مقامات جہاں سگریٹ نوشی پر پابندی عائد ہے اگر وہاں کوئی شخص سگریٹ نوشی کررہا ہے تو عوام اسے گھوریں۔
سیکرٹری صحت کا کہنا تھا کہ یہ ممکن نہیں ہے کہ پولیس سگریٹ نوشی کرنے والے ہر ایک شخص کو پکڑے اس لیے اس مسئلے میں عوام کو اپنا کردار ادا کرنا ہوگا۔
میڈیا رپورٹس کے مطابق ہانگ کانگ میں ممنوعہ مقامات پر سگریٹ نوشی کرنے کے قوانین بھی سخت کیےجارہے ہیں جہاں سگریٹ نوشی پر 1500 ہانگ کانگ ڈالر جرمانہ عائد کیا جائے گا۔
مزید خبریں :
ملک بھر کے47 ماحولیاتی نمونوں میں پولیو وائرس کی تصدیق
14 جون ، 2025
امراض قلب اور ذیابیطس کا خطرہ کم کرنے والی بہترین غذا
12 جون ، 2025
