18 جولائی ، 2023 
ورلڈ جونیئر اسکواش چیمپئن شپ: حمزہ اور حذیفہ اپنے اپنے میچز جیت کر اگلے راؤنڈ میں پہنچ گئے
18 جولائی ، 2023
ورلڈ جونیئر اسکواش چیمپئن شپ میں پاکستان کے حمزہ خان اور حذیفہ ابراہیم نے شاندار آغاز کیا اور اپنے اپنے میچز جیت کر اگلے راؤنڈ میں پہنچ گئے۔
ورلڈ جونیئر اسکواش چیمپئن شپ آسٹریلیا کے شہر میلبرن میں شروع ہوگئی جس میں پاکستان کی تین رکنی ٹیم شرکت کررہی ہے ، پہلے میچ میں حذیفہ ابراہیم نے مکاؤ کے کھلاڑیوں کو اسٹریٹ گیمز میں شکست دی۔
حذیفہ کی کامیابی کا اسکور گیارہ دو گیارہ دو اور گیارہ تین رہا ، دوسرے میچ میں حذیفہ ابراہیم نے ہانک کانگ کے کھلاڑی ٹام شینگ کو دلچسپ مقابلے کے بعد گیارہ پانچ ، نو گیارہ ، گیارہ سات اور گیارہ چار سے کامیابی حاصل کرکے اگلے راونڈ کیلئے کوالیفائی کرلیا اور یوں انہوں نے پہلے روز دونوں میچز جیتے۔
دوسری جانب پاکستان کے حمزہ خان نے کینیڈا کے واسع مقصود کو اسٹریٹ گیم میں ہرادیا۔
حمزہ کی کامیابی کا اسکور گیارہ تین گیارہ چار اور گیارہ آٹھ رہا ، جبکہ پاکستان کے معین الدین کے خلاف آسٹریلوی کھلاڑی کو واک اوور ملا۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
