23 جولائی ، 2023 
فیس بک پر دوستی، بھارتی لڑکی پاکستانی محبوب سے ملنے دیر پہنچ گئی
23 جولائی ، 2023
سوشل میڈیا ایپلی کیشن فیس بک پر دوستی عشق میں بدل گئی اور بھارتی لڑکی پاکستانی محبوب سے ملنے خیبرپختونخوا کے علاقے دیر پہنچ گئی۔
بھارت کی ریاست اترپردیش کی رہائشی لڑکی انجو اور دیر کے نصراللہ کی فیس بک پر دوستی ہوئی جو محبت میں بدل گئی۔
35 سالہ انجو نصراللہ سے ملنے وزٹ ویزہ پر پاکستان پہنچ گئی، وہ ایک ماہ کی چھٹی پر آئی ہیں۔
انجو اور نصراللہ کی جلد منگنی ہوگی جس کے بعد وہ واپس بھارت جائیں گے اور دوبارہ پاکستان آنے پر دونوں شادی کریں گے۔
جیو نیوز سے گفتگو میں ڈسٹرکٹ پولیس آفیسر مشتاق خان نے بتایا کہ بھارت سے آنے والی لڑکی کے دستاویزات پورے ہیں اور علاقے کے لوگ انجو کی دیر آمد پر خوش ہیں۔
ان کا کہنا تھا کہ انجو کی سکیورٹی کیلئے انتظامات کر رہے ہیں، اس لیے انہیں تھانے بھی بلایا گیا تھا۔
پولیس کے مطابق بھارتی لڑکی انجو میڈیا کا سامنا نہیں کرنا چاہتی۔
