24 جولائی ، 2023 
پاکستان
فوٹو: فائل
جناح ہاؤس حملہ کیس: اعجاز چوہدری، عمر سرفراز چیمہ کے جوڈیشل ریمانڈ میں 14دن کی توسیع
24 جولائی ، 2023
انسداد دہشت گردی عدالت لاہور نے جناح ہاؤس میں حملہ اور توڑ پھوڑ کے کیس میں رہنما تحریک انصاف سینیٹر اعجاز چوہدری اور عمر سرفراز چیمہ کے جوڈیشل ریمانڈ میں 14 دن کی توسیع کردی۔
اعجاز چوہدری کو جوڈیشل ریمانڈ ختم ہونے پر عدالت پیش کیا گیا۔
انسداددہشت گردی عدالت نے اعجاز چوہدری کو 7 اگست کو دوبارہ پیش کرنے اور چالان مکمل کرکے پیش کرنے کا حکم دیا۔
عمر سرفراز چیمہ کو بیماری کے باعث وہیل چیئر پر عدالت میں پیش کیا گیا۔
عدالت نےعمر سرفراز چیمہ کے جوڈیشل ریمانڈ میں بھی 14 دن کی توسیع کردی اور انہیں بہتر سہولیات فراہم کرنےکا حکم دے دیا۔
