24 جولائی ، 2023 
ایتھلیٹ صاحب اسرا کو ان کے رننگ شوز مل گئے
24 جولائی ، 2023
جیو نیوز پر خبر نشر ہونے کے بعد ایتھلیٹ صاحب اسرا کو ان کے رننگ شوز مل گئے۔
اس حوالے سے ایتھلیٹ صاحب اسرا نے اپنے ویڈیو بیان میں کہا کہ خبر وائرل ہونے کے بعد پہلے کراچی کسٹمز سے فون آیا، آج مجھے فون آیا کہ شوز پر ٹیکس کا مسئلہ حل ہوگیا ہے جس کے بعد آج رات مجھے شوز موصول ہوگئے۔
ایتھلیٹ صاحب اسرا نے کہا کہ جیو نیوز سمیت جس جس نے میری مدد کی ان کا شکریہ ادا کرتی ہوں۔
خیال رہے کہ صاحب اسرا کے جوتوں کے حوالے سے خبر جیو نیوز پر نشر کی گئی تھی۔
صاحب اسرا نے بتایا تھا کہ ’مجھے کسی نے مدد کرنے کے لیے تحفے کے طور پر جوتے بھیجے ، جب میں کوریئر کمپنی گئی تو مجھ سے ٹیکس کی رقم کا تقاضا کیا گیا، تحفے میں آنے والے شوز پر اتنا زیادہ ٹیکس میرے لیے حیران کن تھا۔‘
صاحب اسرا کے لیے بھیجے گئے جوتوں کی مالیت 54 ہزار روپے کے لگ بھگ ہے تاہم جوتوں پر 67 ہزار کا ٹیکس عائد کر دیا گیا تھا۔
یاد رہے کہ صاحب اسرا ساؤتھ ایشین گیمز کی میڈلسٹ اسپرنٹر ہیں۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
