دنیا

سعودی عرب : 12 ممالک کے شہریوں کیلئے پاسپورٹ پر ویزا اسٹیکر ختم کرنے کیلئے عمل درآمد شروع

26 جولائی ، 2023

اس سے قبل جاری ہونے والے اسٹیکر ویزے مؤثر ہوں گے : محکمہ شہری ہوا بازی/فوٹوفائل

ریاض : سعودی عرب نے مزید 12 ممالک کے شہریوں کے لیے پاسپورٹ پر ویزا اسٹیکر ختم کرنے کے فیصلے پر عمل درآمد کا آغاز کردیا۔

محکمہ شہری ہوا بازی نے نئے نظام پرعمل درآمد کے حوالے سے چارٹ جاری کیا ہے۔

پاکستان 24 جولائی 2023، یمن 26 جولائی، سوڈان 2 اگست، یوگنڈا 7 اگست، لبنان 9 اگست، نیپال 14 اگست، ترکیہ 16 اگست، سری لنکا 21 اگست، کینیا 23 اگست، مراکش 28 اگست، تھائی لینڈ 30 اگست اور ویتنام میں 4 ستمبر 2023 سے عملدرآمد کیا جائے گا۔

اس سے قبل جاری ہونے والے اسٹیکر ویزے مؤثر ہوں گے : محکمہ شہری ہوابازی

پہلے مرحلے میں ملازمت، اقامہ، وزٹ اور ملازمت کے ویزے آن لائن جاری کیے جائیں گے، دوسرے مرحلے میں پاکستان، لبنان، نیپال، سری لنکا، ترکیہ، یمن، سوڈان، یوگنڈا، کینیا، مراکش، تھائی لینڈ اور ویتنام میں سعودی سفارتخانے اور قونصلیٹ پاسپورٹس پر اسٹیکر نہیں لگائیں گے ساتھ ہی کیو آر کوڈ کے ساتھ ای ویزا جاری کیا جائے گا۔

سعودی محکمہ شہری ہوابازی نے سعودی ائیرپورٹس کے لیے پروازیں چلانے والی تمام فضائی کمپنیوں کو اس حوالے سے تحریری طور پر مطلع کر دیا ہے۔

یہ بھی پڑھیں

سعودی عرب جانیوالے مسافروں سے جنوبی افریقا کے جعلی ویزا اسٹیکر برآمد،کراچی میں گرفتار

محکمہ شہری ہوابازی کا کہنا ہے کہ پاسپورٹ پر ویزا اسٹیکر کے بجائے اے فور کاغذ پر ویزا پرنٹ ہوگا جس میں مسافر سے متعلق ویزا معلومات درج ہوں گی، بیان میں کہا گیا کہ کیو آر کوڈ کے ذریعے ویزوں کے مؤثر ہونے کا پتہ لگایا جاسکے گا۔

محکمہ شہری ہوابازی کے مطابق اس سے قبل جاری ہونے والے اسٹیکر ویزے مؤثر ہوں گے۔