26 جولائی ، 2023 
سعود شکیل سے بدتمیزی پر سری لنکن بولر کو آئی سی سی کی تنبیہ
26 جولائی ، 2023
پاکستان کرکٹ ٹیم کے مڈل آرڈر بیٹر سعود شکیل سے بدتمیزی پر انٹرنیشنل کرکٹ کونسل (آئی سی سی) نے سری لنکن بولر اسیتھا فرینینڈو کو تنبیہ کی ہے اور انہیں ایک ڈی میرٹ پوائنٹ بھی دیا گیا ہے۔
آئی سی سی کے مطابق سعود کو آؤٹ کرنے کے بعد سری لنکن بولر اسیتھا فرنینڈو نے نامناسب انداز میں جشن منایا تھا۔
آئی سی سی کے مطابق سعود کے قریب آکر جس انداز میں خوشی کا اظہار کیا گیا وہ ضوابط کی خلاف ورزی تھی، اسیتھا فرینینڈو کوڈ 2.5 کی خلاف ورزی کے مرتکب قرار پائے۔
سری لنکن فاسٹ بولر نے اپنی غلطی تسلیم کرلی ہے اور میچ ریفری نے بولر کو تنبیہ کیا ہے کہ وہ دوبارہ ایسا کرنے سے باز رہیں۔
اسیتھا فرینینڈو کے پروفائل پر ایک ڈی میریٹ پوائنٹ بھی لگا دیا گیا، انہوں نے دوبارہ ایسا کچھ کیا تو ان پر پابندی بھی لگ سکتی ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
