27 جولائی ، 2023 
پی سی بی کرکٹ کمیٹی کے حوالے سے مشاورتی اجلاس، ڈومیسٹک اسٹرکچر پربھی بات ہوئی
27 جولائی ، 2023
پاکستان کرکٹ بورڈ میں کرکٹ کمیٹی کے حوالے سے مشاورتی اجلاس ہوا جس میں ڈومیسٹک کرکٹ کے اسٹرکچر پر بھی بات ہوئی۔
ذرائع کے مطابق اجلاس میں ڈپارٹمنٹل کرکٹ کی بحالی، ڈومیسٹک کرکٹ شیڈول اور پاتھ وے پروگرامز پر بات ہوئی۔
اس کے علاوہ اجلاس میں ڈومیسٹک کرکٹ کے شیڈول، ریجنز اور ڈپارٹمنٹل ٹیموں پر بھی بات ہوئی۔
ذرائع کے مطابق مشاورتی عمل آئندہ ہفتے بھی جاری رہے گا، کرکٹ کمیٹی کے اراکین، قومی سلیکشن کمیٹی اور کوچز کے حوالے سے آئندہ ہفتے اجلاس ہو گا جس میں ان معاملات کو حتمی شکل دی جائے گی۔
مشاورتی اجلاس میں کرکٹ کمیٹی کے سربراہ مصباح الحق کے علاوہ سابق کرکٹرز راشد لطیف، انضمام الحق اور محمد حفیظ بھی شریک ہوئے، انضمام الحق اور محمد حفیظ نے اجلاس میں ورچوئل شرکت کی، تکنیکی مسائل کی وجہ سے انضمام الحق سے تفصیلی بات نہ ہو سکی۔
ذرائع کے مطابق مصباح الحق مشاورتی عمل مکمل ہونے کے بعد تجاویز چیئرمین منیجمنٹ کمیٹی ذکاء اشرف کو پیش کریں گے اور ذکاء اشرف تمام معاملات کے حوالے سے اعلان کریں گے۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
