01 اگست ، 2023 
دنیا کا عمر رسیدہ شخص 127 سال کی عمر میں انتقال کرگیا
01 اگست ، 2023
برازیلین شہری اور دنیا کے معمر ترین شخص جوز پولینو گومز اپنی 128 ویں سالگرہ سے چند روز قبل انتقال کرگئے۔
غیر ملکی خبر رساں ادارے کے مطابق معمر ترین شخص کی موت کی وجہ ان کے جسم کے کئی اعضا کا کام چھوڑنا بتائی گئی ہے۔
1917 میں جوز کے بننے والے میرج سرٹیفکیٹ کے مطابق جوز کی تاریخ پیدائش 4 اگست 1895 میں ہوئی، اپنی طویل عمری کے دوران جوز پولینو نے پہلے رگبی لیگ فٹبال گیم اور ایکسرے کی دریافت سمیت دنیا کے کئی تاریخی اور یادگار لمحات دیکھے۔
جوز کے قانونی مشیر ولیان جوز ڈی سوزا کا کہنا ہے کہ اگر جوز کے میرج سرٹیفکیٹ پر موجود تاریخ پیدائش درست ہے تو وہ اسپین کی ماریا برینیاس موریرا (جو کہ اس وقت گنیز بک ورلڈ ریکارڈ پر دنیا کی معمر ترین انسان کا ریکارڈ رکھنے والی خاتون ) کو بھی پیچھے چھوڑدیں گے۔
داداجوز پولینو 4 سال قبل تک گھڑسواری کیا کرتے تھے: پوتی
دی سن کی ایک رپورٹ کے مطابق جوز پولینو کی 7 اولادیں ہیں جن سے ان کے 25 پوتا پوتی نواسا نواسی، 42 پرپوتا پرپوتی، پرنواسا پرنواسی ہیں جب کہ انہوں نے 85 سوگوران چھوڑے ہیں۔
جوز کی پوتی فیبیولا کے مطابق ان کے داداجوز پولینو 4 سال قبل تک گھڑسواری کیا کرتے تھے لیکن 4 سال قبل انہوں نے گھڑ سواری چھوڑدی تھی اور گزشتہ ایک ماہ سے وہ بیڈ ریسٹ پر تھے۔
فیبیولا کا کہنا تھا کہ ان کے دادا کے قانونی مشیر ولیان کی دستاویزات دیہی رسم و رواج کی وجہ سے غلط ہو سکتی ہیں لیکن ہمارے خاندان کو عمر کے بارے میں کوئی شک نہیں کیونکہ ہم جانتے ہیں کہ پالینو گومز ایک صدی سے زائد عرصہ زندہ رہے۔
مزید برآں جوز پولینو کو معمر ترین شخص کو گنیز بک آف ورلڈ ریکارڈ میں تاحال شامل نہیں کیا گیا تھا۔
مزید خبریں :
روس کا یوکرین پر اب تک کا سب سے بڑا ڈرون حملہ
6 گھنٹے پہلے
سعودی عرب کے مختلف شہروں میں آج بارش کا امکان، اسکول بند
11 گھنٹے پہلے
کینیڈا: زو کیپر کی غفلت سے 2 سالہ گوریلا ہلاک
10 گھنٹے پہلے
امریکا کے نومنتخب صدر ڈونلڈ ٹرمپ کے خلاف 6 جنوری کا کیس ختم
26 نومبر ، 2024
اسرائیل اور حزب اللہ کے درمیان جنگ بندی معاہدہ جلد ہونےکا امکان
25 نومبر ، 2024
