نارووال: سیلابی پانی کیساتھ بہہ کر آنیوالا 15 فٹ لمبا اژدھا آبادی میں گھس آیا
01 اگست ، 2023
نارووال میں 15 فٹ لمبا 60 کلو وزنی اژدھا آبادی میں گھس آیا۔
پولیس کے مطابق نالہ بئیں کے کنارے آباد سرحدی گاؤں سکھوچک میں 15 فٹ لمبا 60 کلو گرام وزنی اژدھا آبادی میں گھس آیا۔
محکمہ وائلڈ لائف نے اژدھے کو پکڑ کر سکھوچک کے نواحی جنگل میں آزاد کر دیا۔
گزشتہ ماہ کے آخری دو ہفتوں میں سانپ کے کاٹنے کے واقعات میں 10 گنا اضافہ ہوا ہے جس سے شہریوں میں خوف وہراس پایا جاتا ہے۔
