03 اگست ، 2023 
پیاز کی بو نے طیارے کو ایمرجنسی لینڈنگ پر مجبور کر دیا
03 اگست ، 2023
پیاز کو تو آپ نے دیکھا ہی ہوگا مگر کبھی سوچا کہ اس کی بو کسی طیارے کو ایمرجنسی لینڈنگ پر مجبور کردے؟
ایسا حیران کن واقعہ بھارت میں پیش آیا جہاں ائیر انڈیا ایکسپریس کی پرواز 175 مسافروں کو لے کر کوچی سے شارجہ جا رہی تھی۔
سفر کے دوران بہت تیز اور جلنے جیسی بو طیارے کے اندر پھیل گئی جس کے باعث اسے واپس کوچی لے جانا پڑا۔
بھارتی میڈیا کی رپورٹ کے مطابق 2 اگست کی شب روانہ ہونے والی پرواز کے ایک مسافر نے شکایت کی تھی کہ ایسی بو آرہی ہے جیسے کچھ جل رہا ہے۔
بعد ازاں مزید مسافروں نے بھی اس بو کی شکایت کی، جس کے باعث عملہ طیارے کو واپس اتارنے پر مجبور ہوگیا۔
ماہرین کی ٹیم نے طیارے کا معائنہ کیا اور کسی قسم کی آتشزدگی یا تکنیکی مسئلے کے شواہد نہیں ملے۔
رپورٹ کے مطابق ابتدائی تحقیقات سے عندیہ ملا ہے کہ اس بو کی وجہ طیارے کے مال بردار حصے میں موجود پیاز یا سبزیاں تھیں۔
مسافروں کی جانب سے طیارے کے اندر بو کو رپورٹ کیے جانے پر احتیاطی طور پر اسے واپس اتارا گیا تھا۔
فضائی کمپنی نے اس واقعے پر مسافروں سے معذرت کرتے ہوئے متبادل پرواز سے ان کی روانگی کو یقینی بنایا۔
رپورٹ میں مزید بتایا گیا کہ فضائی کمپنی بڑی مقدار میں پھلوں، سبزیوں اور پھولوں کو مشرق وسطیٰ لے جاتی ہے۔
مزید خبریں :
دنیا کی طویل القامت اور پست قد خاتون کی پہلی بار ملاقات
21 نومبر ، 2024
چینی کمپنی کا ملازمین کیلئے انوکھے بونس کا اعلان
22 نومبر ، 2024
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
دبئی میں چوبیس قیراط سونے کی الیکٹرک کار قرعہ اندازی کے لیے پیش
19 نومبر ، 2024
