08 اگست ، 2023 
عمران خان نے پارٹی کی کور کمیٹی کے فیصلوں کو اپنی منظوری سے مشروط کردیا: نعیم پنجوتھا
08 اگست ، 2023
لاہور: چیئرمین تحریک انصاف نے پارٹی کور کمیٹی کے فیصلوں کو اپنی منظوری سے مشروط کردیا۔
جیو نیوز کے پروگرام آج شاہ زیب خانزادہ کے ساتھ میں گفتگو کرتے ہوئے نعیم پنجوتھا نے چیئرمین پی ٹی آئی کے پیغام سے متعلق آگاہ کیا۔
نعیم پنجوتھا کےمطابق عمران خان نے کہا کہ پارٹی کور کمیٹی جو بھی فیصلہ کرے اسے میرے وکلا کے ذریعے مجھ تک پہنچایا جائے، میں چئرمین ہوں، فیصلہ میں کروں گا۔
نعیم پنجوتھا کی عمران خان سے جیل میں ملاقات
اس سے قبل اٹک جیل میں قید پاکستان تحریک انصاف کے چیئرمین عمران خان سے ان کے وکیل نعیم حیدر کی ملاقات کرائی گئی۔
نعیم پنجوتھا کا کہنا تھا کہ عمران خان کو دیے گئے کمرے میں دن کو مکھیاں اور رات کو کیڑے ہوتے ہیں، انہوں نے کہا انہیں ساری زندگی بھی جیل میں گزارنی پڑی تو گزاریں گے، ان کے گھر پر تیسرا حملہ کیاگیا، بشریٰ بی بی کے کمرے کا دروازہ توڑنے کی کوشش کی گئی، پولیس نے وارنٹ گرفتاری نہیں دکھائے۔
