پاکستان
15 اگست ، 2023
15 اگست ، 2023 
اٹک میں پولیس اسٹیشن پر آسمانی بجلی گرپڑی، 5 افراد زخمی
15 اگست ، 2023
اٹک میں پولیس اسٹیشن پر آسمانی بجلی گرگئی جس کے نتیجے میں 5 پولیس اہلکار زخمی ہوگئے۔
پولیس کے مطابق اسٹیشن اٹک خورد میں ایک زور دار دھماکے کی آواز آئی جس سے پولیس اسٹیشن کی عمارت کا بڑا حصہ گرگیا جب کہ تھانے کے احاطے میں کھڑی گاڑیوں کو بھی نقصان پہنچا۔
پولیس کا بتانا ہےکہ واقعے کی تحقیقات میں معلوم ہوا ہےکہ پولیس اسٹیشن پر آسمانی بجلی گری ہے جس سے عمارت گرگئی۔
پولیس کے مطابق واقع کی اطلاع ملتے ہی پولیس کی بھاری نفری پولیس اسٹیشن پہنچی اور زخمیوں کو اسپتال منتقل کیا۔
پولیس کے مطابق زخمی اہلکاروں میں اے ایس آئی امتیاز، وائرلیس آپریٹربلاول صدیقی، کانسٹیبل سجاد،کانسٹیبل فیضان اور کانسٹیبل توقیر شامل ہے۔
