بلوچستان کے دالبندین ائیرپورٹ پر ایک سال کیلئے فلائٹ آپریشن بند کرنے کا فیصلہ

بلوچستان کے دالبندین ائیرپورٹ پر ایک سال کیلئے فلائٹ آپریشن بند کرنے کا فیصلہ کرلیا گیا۔

سول ایوی ایشن اتھارٹی (سی اے اے) کے مطابق دالبندین ائیرپورٹ کا رن وے نمبر 13/31 فلائٹ آپریشن کیلئے بند ہے اور یہ رن وے 6 اگست 2024 تک بند رہے گا۔

سی اے اے نے بتایاکہ نوٹم جاری کرکے ائیرلائنز کو دالبندین ائیرپورٹ کی بندش سے آگاہ کر دیا گیا ہے۔

رن وے کی تعمیر نو کیلئے فلائٹ آپریشن بند کیا گیا۔

حالیہ طوفانی بارشوں سے دالبندین ائیرپورٹ رن وے اور کنٹرول ٹاور کو نقصان پہنچا تھا۔