16 اگست ، 2023 
ایشین جونیئر اسکواش چیمپئن کا پہلا روز، پاکستانی کھلاڑیوں نے اپنے میچز جیت لیے
16 اگست ، 2023
30 ویں ایشین جونیئر اسکواش چیمپئن شپ چین میں شروع ہوگئی، پہلے روز پاکستان کے تمام پلیئرز نےمختلف ایج گروپس میں اپنے اپنے میچز جیت لیے۔
ایشین جونیئر انفرادی چیمپئن شپ چین کے شہر دالیان میں شروع ہوئی، پہلے روز انڈر 19 میں پاکستان کے انس علی شاہ نے پہلے میچ میں ملائشین پلیئر تھو وا یان کو تین - ایک سے ہرایا۔
ملائشین پلیئر کے خلاف انس کی جیت کا اسکور 11-4، 8-11، 6-11 اور 3-11 رہا۔ دوسرے راؤنڈ میں انس انڈیا کے سوریا باوا سے مقابلہ کریں گے۔
انڈر 17 میں عبداللہ نواز اور عبداللہ ندیم بھی پہلے راؤنڈ میں کامیاب رہے ۔ عبداللہ نواز نے انڈیا کے گورویر سنگھ کو تین - صفر سے شکست دی ۔ گورویر کیخلاف عبداللہ نے 3-11، 7-11 اور 4-11 سے میچ جیتا جبکہ عبداللہ ندیم نے مکاؤ کے لیونگ کینگ ان کو 18 منٹ میں چت کردیا۔
انڈر 15 میں پاکستان کے ابراہیم زیب نے پہلے راؤنڈ میں چینی پلیئر ہین لی چون کو 15 منٹ میں تین - صفر سے آؤٹ کلاس کیا جبکہ انڈر 13 میں احمد رایان اور نعمان خان نے اپنے اپنے میچز جیت لیے ۔ نعمان نے ہانگ کانگ کے چینگ اوگسٹ ہونگ اور احمد رایان نے ملائشیا کے جیدن لو وہ کو ہرایا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
