17 اگست ، 2023 
ایشین جونیئر اسکواش: پاکستانی کھلاڑی انڈر 13، 15 اور 17 کے کوارٹر فائنل میں پہنچ گئے
17 اگست ، 2023
چین میں جاری ایشین جونیئر اسکواش چیمپئن شپ کے دوسرے روز پاکستان کے کھلاڑی انڈر 13، انڈر 15 اور انڈر 17 کے کوارٹر فائنل میں پہنچ گئے۔ انڈر 19 میں پاکستان کے انس علی شاہ کو انڈین کھلاڑی نے شکست دیدی۔
چیمپئن شپ کے دوسرے روز انڈر 19 میں پاکستان کے انس علی شاہ انڈیا کے شوریا باوا کیخلاف دو ۔ ایک کی برتری حاصل کرنے کے بعد تین ۔ دو سے ناکام ہوئے۔
ایک گھنٹہ 10 منٹ جاری رہنے والا یہ میچ انڈین پلیئر نے 8/11 ، 11/9، 9/11، 11/5 اور 11/7 کے اسکور سے جیتا۔
عبداللہ نواز نے انڈر 17 میں کوارٹر فائنل کیلئے کوالیفائی کرلیا، انہوں نے دوسرے راؤنڈ میں ملائشیا کے کریتھی پیلے کو تین ۔ ایک سے شکست دی تاہم اس ہی ایج گروپ میں عبداللہ ندیم کو سیکنڈ سیڈ ملائیشیا کے لو وا سین نے تین ۔ صفر سے ہرایا۔
انڈر 15 میں پاکستان کے ابراہیم زیب نے سنگاپور کے ایتھان کاون کو تین ۔ صفر سے شکست دے کر کوارٹر فائنل میں جگہ بنائی۔
انڈر 13 میں پاکستان کے دونوں پلیئرز ، نعمان خان اور احمد رایان خلیلی انڈین پلیئرز کو شکست دے کر کوارٹر فائنل میں پہنچ گئے۔ نعمان نے شریست ایئر اور احمد ریان نے ساوت روہت پٹیل کو شکست دی۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
