17 اگست ، 2023 
پاکستان فٹبال فیڈریشن کے وفد کا جناح اسٹیڈیم اسلام آباد کا دورہ
17 اگست ، 2023
پاکستان فٹبال فیڈریشن (پی ایف ایف) کے وفد نے جناح اسٹیڈیم اسلام آباد کا دورہ کیا ہے۔
پی ایف ایف کے دو رکنی وفد میں ممبر نارملائزیشن کمیٹی شاہد کھوکھر اور ہیڈ کوچ شہزاد انور شامل تھے۔
پاکستان فٹبال فیڈریشن کا وفد اسٹیڈیم کے ابتدائی دورے میں سہولیات سے مطمئن رہا۔ اس حوالے سے شاہد کھوکھر نے کہا کہ وینیو پر دستیاب سہولیات تسلی بخش ہیں، ایک دو چیزیں بہتر کرنا ہیں، اسکور بورڈ کا وینیو کے اندر ہونا اہم ہے، پچ کو بروقت کھیلنے کیلئے تیار کرنا ہوگا، پاکستان اسپورٹس بورڈ کے ڈی جی نے ہر ممکن تعاون کا یقین دلایا ہے۔
شاہد کھوکھر نے مزید کہا کہ پاکستان میں میچ کے انتظامات کا حتمی فیصلہ اے ایف سی کی مشاورت سے ہوگا، اے ایف سی سے کہیں گے کہ وینیو کے جائزے کیلئے اپنا وفد پاکستان بھیجیں۔
پی ایف ایف کل اے ایف سی اور فیفا کو اسلام آباد کے وینیو پر اپنی آبزرویشن بھیج دے گا۔ خیال رہے کہ پاکستان کو فیفا ورلڈ کپ کوالیفائرز راؤنڈ میں 17 اکتوبر کو کمبوڈیا سے ہوم میچ کھیلنا ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
