18 اگست ، 2023 
الیکشن کرانا الیکشن کمیشن کا کام ہے، ہم اپنی آئینی ذمہ داری نبھائیں گے: مرتضیٰ سولنگی
18 اگست ، 2023
الیکشن کرانا الیکشن کمیشن کی ذمہ داری ہے، اگر وہ کل الیکشن کرادیں، تو ہم انتخاب کرا کر واپس چلے جائیں گے۔
نگران کابینہ کے پہلے اجلاس سے متعلق پریس کانفرنس کرتے ہوئے مرتضیٰ سولنگی نے کہا کہ الیکشن کمیشن 90 دن میں الیکشن کا کہے گا تو ایک گھنٹہ زیادہ کرسی پر نہیں بیٹھیں گے
ان کا کہنا تھا کہ جب تک کرسی پر رہیں گے اپنی آئینی ذمے داریاں پوری کریں گے، ہمارا کام بولے گا۔
نگران وفاقی وزیر اطلاعات نے کہا کہ زیادتی ہوگی کہ ملک اس حال میں ہو اور کابینہ اللے تللے کرے، آمدنی نہیں بڑھ رہی تو اخراجات بھی نہیں بڑھائیں گے۔
ان کا کہنا تھا کہ مہنگائی کے باعث لوگوں کی مشکلات کا اندازہ ہے، چاہتے اور نہ چاہتے ہوئے تیل مہنگا کرنا پڑا۔
مرتضیٰ سولنگی کا کہنا تھا کہ آئی ایم ایف کے منجمد پروگرام کو دھکے دے کر اسٹارٹ کرایا گیا ہے، آئی ایم ایف سے کیے وعدوں میں شامل ہے کہ بہت زیادہ سبسڈی نہیں دیں گے۔
مزید خبریں :
تصاویر: پی ٹی آئی کا احتجاج اور سخت سکیورٹی اقدامات
2 گھنٹے پہلے
سندھ پنجاب سرحد کو ٹریفک کیلئے کھول دیا گیا
4 گھنٹے پہلے
