20 اگست ، 2023 
جب ملٹری پر حملہ ہوگا تو مقدمہ بھی ملٹری کورٹ میں چلے گا: سرفراز بگٹی
20 اگست ، 2023
نگران وفاقی وزیر داخلہ سرفراز بگٹی نے کہا ہے کہ نو مئی کا حملہ اچانک نہیں، مکمل منصوبہ بندی سے کیا گیا، جب ملٹری پر حملہ ہوگا تو مقدمہ بھی ملٹری کورٹ میں چلے گا۔
جیو نیوز کے پروگرام جرگہ میں گفتگو کرتے ہوئے سرفراز بگٹی کا کہنا تھا کہ 9 مئی کے حملہ آوروں سے مزید سختی کرنے کی ضرورت ہے۔
نگران وفاقی وزیر داخلہ نے کہا کہ انہیں سزائیں دلوانا ہماری اولین ترجیح ہوگی۔
واضح رہے کہ پی ٹی آئی رہنما شاہ محمود قریشی کی گرفتاری کے معاملے پر نگران وزیر داخلہ سرفراز بگٹی نے پی ٹی آئی کے دعوؤں کی تردید کرتے ہوئے کہا تھا کہ شاہ محمود سائفر کے معاملے پر ایف آئی آر میں نامزد تھے۔
ان کا کہنا تھا کہ یہ کہنا غلط ہے کہ شاہ محمود قریشی کو پریس کانفرنس کی بنیاد پر گرفتار کیا گیا۔
