21 اگست ، 2023 
پاکستان ویمن فٹبال ٹیم ستمبر میں سعودی عرب میں چھ ملکی ٹورنامنٹ کھیلے گی
21 اگست ، 2023
اگلے ماہ ستمبر میں سعودی عرب میں ہونے والا چھ ملکی ویمن فٹبال ٹورنامنٹ کنفرم ہوگیا۔
پاکستان ویمن فٹبال ٹیم 18 سے 30 ستمبر تک سعودی عرب میں چھ ملکی ٹورنامنٹ کھیلے گی، ایونٹ میں پاکستان ویمن فٹبال ٹیم اپنے سے بہتر رینکڈ ٹیموں سے بھی مقابلہ کرے گی۔
ایونٹ میں پاکستان اور سعودی عرب کے علاوہ لبنان، لاوس، ملائیشیا اور بھوٹان کی ٹیمیں شریک ہوں گی، ایونٹ کی تیاریوں کے لیے پاکستان ویمن ٹیم کے کیمپ کا اعلان اس ماہ کے آخر میں ہوگا۔
پاکستان نے چند روز قبل ٹورنامنٹ میں شرکت کے لیے سعودی عرب کی دعوت قبول کی تھی۔
اس سے قبل پاکستان ویمن ٹیم نے جنوری میں بھی سعودی عرب میں چار ملکی ٹورنامنٹ کھیلا تھا، پاکستان ویمن ٹیم کی موجودہ فیفا عالمی رینکنگ 157 ہے۔
سعودی عرب 170، لاوس کی 87، لبنان 138، ملائیشیا 89 اور بھوٹان کی رینکنگ 171 ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
