21 اگست ، 2023 
ایشین والی بال چیمپئن شپ : پاکستان کو دوسرے گروپ میچ میں کوریا نے شکست دیدی
21 اگست ، 2023
ایشین والی بال چیمپئن شپ میں پاکستان کو دوسرے گروپ میچ میں کوریا نے شکست دیدی۔
چار سیٹس میں سنسنی خیز مقابلے کے بعد کوریا تین - ایک سے فاتح رہا۔ کوریا نے 28-26، 20-25، 30-32 اور 22-25 سے کامیابی حاصل کی۔ پہلے سیٹ میں پاکستان نے 18-15 کے خسارے سے کم بیک کرکے 28-26 سے کامیابی حاصل کی۔
دوسرے سیٹ میں مقابلہ 16-16 سے برابر ہونے کے بعد کوریا نے پاکستان کو واپسی کا موقع نہ دیا۔ تیسرے سیٹ میں دونوں ٹیموں کے درمیان سخت مقابلہ ہوا، تیسرے سیٹ میں 25-25 کی برابری ہوئی، پاکستان نے تین مرتبہ 1 پوائنٹ کی سبقت لی مگر اس کو دوگنا نہ کرسکا۔
چوتھے سیٹ میں بھی سخت مقابلہ رہا مگر کوریا نے پاکستان کو کم بیک کا موقع نہ دیا، پاکستان نے اس سے قبل پہلے میچ میں بنگلا دیش کو تین - صفر سے ہرایا تھا۔ پاکستان گروپ میں دوسری پوزیشن پر رہا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
