25 اگست ، 2023 
ارشد ندیم کا اولمپکس کیلئے کوالیفائی کرنے کے بعد چاہنے والوں کیلئے ویڈیو پیغام
25 اگست ، 2023
ورلڈ ایتھلیٹکس چیمپئن شپ کے فائنل اور پیرس اولمپکس میں کوالیفائی کرنے کے بعد پاکستانی ایتھلیٹ ارشد ندیم نے اپنے چاہنے والوں کے نام ایک اہم ویڈیو پیغام جاری کر دیا۔
ارشد ندیم نے اپنے ویڈیو پیغام میں کہا کہ ہنگری کے شہر بڈاپسٹ میں ورلڈ ایتھلیٹکس چیمپئن شپ جاری ہے اور میں ایکشن میں ہوں، آپ سب کی دعاؤں سے الحمدللہ چیمپئن شپ کے فائنل اور پیرس اولمپکس 2024 کیلئے بھی کوالیفائی کر لیا ہے۔
ارشد ندیم نے چاہنے والوں سے درخواست کی 27 اگست کو ہونے والے چیمپئن شپ کے فائنل میں کامیابی کیلئے دعا کریں۔
پاکستانی ایتھلیٹ نے اپنے ویڈیو پیغام میں بتایا کہ گزشتہ ایک سال سے کہنی اور گھٹنے کی انجری کا شکار رہا تاہم اب انجری سے صحتیاب ہو چکا ہوں، آپ لوگ دعا کریں تا کہ میں پاکستان کیلئے میڈل جیت سکوں۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
