26 اگست ، 2023 
سعود شکیل ایشیا کپ کیلئے پاکستان کے اسکواڈ میں شامل
26 اگست ، 2023
مڈل آرڈر بیٹر سعود شکیل کو ایشیا کپ کیلئے پاکستان اسکواڈ میں شامل کرلیا گیا ہے۔
پاکستان کرکٹ بورڈ (پی سی بی) کے مطابق لیفٹ ہینڈ بیٹر سعود شکیل کو طیب طاہر کی جگہ 17 رکنی اسکواڈ میں شامل کیا گیا ہے، طیب طاہر بطور ٹریولنگ ریزرو ایشیا کپ اسکواڈ کے ساتھ رہیں گے۔
پاکستان ٹیم کے ذرائع کے مطابق سعود شکیل کو سلیکٹ کرتے وقت جن عوامل کو اہمیت دی گئی اس میں ان کی اسپن کو بہتر انداز میں کھیلنے کی صلاحیت، سری لنکن کنڈیشنز میں حالیہ پرفارمنسز اور ان کا لیفٹ ہینڈر ہونا شامل ہے۔
ٹیم ذرائع کا کہنا ہے کہ منیجمنٹ سمجھتی ہے کہ سعود شکیل مارڈرن ڈے کرکٹ کے اصولوں پر پورا اترتے ہیں۔
خیال رہے کہ سعود شکیل کو اس سے قبل صرف افغانستان سے سیریز کیلئے ٹیم میں رکھا گیا تھا۔
پی سی بی کے مطابق پاکستان کرکٹ اسکواڈ کل کولمبو سے ملتان پہنچے گا ، لنکا پریمیئر لیگ میں شرکت کرنے والے پلیئرز کو پہلے لاہور جانے کی اجازت دی گئی ہے۔
بابر اعظم، نسیم شاہ اور امام الحق کل لاہور جائیں گے اور پیر کو ملتان پہنچیں گے، پاکستان کرکٹ ٹیم ملتان میں پہلا ٹریننگ سیشن 29 اگست کو کرے گی، ایشیا کپ کا افتتاحی میچ پاکستان اور نیپال کے درمیان 30 اگست کو ہوگا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
