26 اگست ، 2023 
لاہور: اسموگ کے خاتمے اور توانائی کی بچت کیلئے مارکیٹوں کے نئے اوقات کار جاری
26 اگست ، 2023
لاہور: اسموگ اور ماحولیاتی آلودگی کے خاتمے اور توانائی کی بچت کے لیے ضلعی انتظامیہ نےکمرشل مارکیٹوں کے نئے اوقات کار جاری کر دیے۔
ضلعی انتظامیہ لاہور کی جانب سے جاری نوٹیفکیشن کے مطابق کمرشل و ہول سیل مارکیٹیں ہفتے سے پیر رات 10 بجےتک کھلی رہ سکیں گی، کمرشل مارکیٹیں اتوار کو دن 2 بجے سے رات 10 بجے تک کھل سکیں گی۔
نوٹیفکیشن کے مطابق ریسٹورنٹس، ہوٹلز اورکافی شاپس پیرتا جمعرات رات 11 بجےتک کھل سکیں گی، ریسٹورنٹس، ہوٹلز اور کافی شاپس جمعہ تا اتوار رات 12 بجےتک کھلنے کی اجازت ہوگی۔
اس کے علاوہ اشیائے خورونوش کی ہوم ڈلیوری کے اوقات رات 12 بج کر 30 منٹ تک کیے گئے ہیں، میڈیکل اسٹورز، لیبارٹریز، پیٹرول پمپس اور سی این جی اسٹیشنز پابندی سے مستثنیٰ ہوں گے، ملک شاپس، تندور اور پنکچر والی دکانیں بھی کھلی رہیں گی۔
