27 اگست ، 2023 
پی سی بی نے ورلڈ کپ کیلئے قومی ٹیم کی نئی کٹ تیار کر لی
27 اگست ، 2023
پاکستان کرکٹ بورڈ (پی سی بی) نے بھارت میں ہونے والے کرکٹ ورلڈ کپ کیلئے پاکستانی ٹیم کی نئی کٹ تیار کرلی۔
پی سی بی نے سوشل میڈیا ویب سائٹ ایکس (ٹوئٹر) پر انٹرنیشنل کرکٹ کونسل (آئی سی سی) مینز کرکٹ ورلڈ کپ 2023 کیلئے پاکستانی ٹیم کی نئی کٹ کا ویڈیو ٹیزر بھی جاری کر دیا۔
ذرائع کے مطابق پی سی بی کی جانب سے ورلڈ کپ کیلئے پاکستان ٹیم کی نئی کٹ کی رونمائی کل کی جائے گا، چیئرمین پی سی بی منیجمنٹ کمیٹی ذکا اشرف تقریب کے مہمان خصوصی ہوں گے۔
ذرائع کا کہنا ہے کہ قومی ٹیم کی ورلڈ کپ کیلئے تیار کی گئی کٹ کی رونمائی تقریب لاہور میں منعقد کی جائے گی۔
واضح رہے کہ اس مرتبہ آئی سی سی مینز ورلڈ کپ کا انعقاد 5 اکتوبر سے بھارت میں ہو رہا ہے، ورلڈ کپ میں پاکستان ٹیم اپنا پہلا میچ 6 اکتوبر کو نیدرلینڈز کے خلاف کھیلے گی۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
