30 اگست ، 2023 
جنوبی افریقا ہم سے بہتر ٹیم ہے لیکن ہم جیت کیلئے اپنا 100 فیصد دینگے: عالیہ ریاض
30 اگست ، 2023
پاکستان ویمن ٹیم کی آل راؤنڈر عالیہ ریاض کا کہنا ہے کہ جنوبی افریقا ہم سے بہتر ٹیم ہے لیکن ہم جیت کیلئے اپنا 100 فیصد دیں گے۔
جیو نیوز سے گفتگو کرتے ہوئے عالیہ ریاض نے کہاکہ جنوبی افریقا سے سیریز کیلئے پلیئرز کافی پرجوش ہیں ،جب ہوم گراؤنڈ پر کھیلتے ہیں تو جوش اور بھی بڑھ جاتا ہے، کوشش کریں گے کہ میچز بھی جیتیں اور کراؤڈ کو انٹرٹین بھی کریں۔
انھوں نے کہا کہ جو پچھلی سیریز میں غلطیاں کی تھیں اس پر قابو پاکر میچز جیتنے کی طرف جائیں گے،بطور آل راؤنڈاونڈر کوشش ہوگی کہ ٹیم کی جیت میں کردار ادا کروں۔
عالیہ ریاض نے کہا کہ کوشش کروں گی کہ جب بھی بیٹنگ آئے پاکستان کیلئے میچ کو مثبت انداز میں فنش کروں، کوشش کروں گی کہ جو فارم لگی ہوئی اس کو برقرار رکھوں اور زیادہ سے زیادہ رنز کروں۔
انھوں نے مزید بتایاکہ بیٹنگ کوچ توفیق عمر کی نگرانی میں شاٹس کو بہتر کرنے پر کام کیا ہے، پل شاٹ اور سوئپ شاٹ کو بہتر کرنے کیلئے محنت کی ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
