01 ستمبر ، 2023 
اگست میں مہنگائی کی شرح 27.38 فیصد ریکارڈ، ادارہ شماریات کے اعداد و شمار جاری
01 ستمبر ، 2023
ادارہ شماریات نے مہنگائی کے ماہانہ اعداد و شمار جاری کردیے، اگست میں مہنگائی کی شرح 27.38 فیصد رہی۔
ادارہ شماریات کی جانب سے جاری اعداد و شمار کے مطابق پچھلے ماہ (جولائی) کی نسبت مہنگائی کی شرح میں 1.72 فیصداضافہ ریکارڈ کیا گیا۔
ادارہ شماریات کے مطابق ٹماٹر 75.3 ، مصالحے 16.9 اور انڈے 16.2 فیصد مہنگے ہوئے۔
ادارہ شماریات کے مطابق گزشتہ ماہ ایک ماہ میں چینی 9، دال ماش، خشک دودھ 5.5، گندم کی مصنوعات 5، آلو 4.3 جبکہ چاول 2.6 فیصد مہنگے ہوئے۔
ماہ اگست کے مہنگائی کے اعداد و شمار کے مطابق مائع ایندھن 14.6، موٹر فیول کی قیمت 8.2 فیصد بڑھی جبکہ اگست میں بجلی چارجز 1.37 فیصد اضافہ دیکھنے کو ملا۔
ادارہ شماریات کے مطابق شہروں میں ٹرانسپورٹ کرائے 22 فیصد اور پوسٹل چارجز 20 فیصد بڑھے۔
ادارہ شماریات کا کہنا تھا کہ ایک سال میں سگریٹ 117.4، آٹا 99.6 اور چائے 94.5 فیصد مہنگی ہوئے جبکہ سالانہ بنیادوں پر چینی 70.6، مرغی 67.5 ، چاول 66.8 فیصد مہنگے ہوئے۔
سالانہ بنیادوں پر گندم 64 فیصد، آلو 59.7، گندم کی مصنوعات 59 فیصد مہنگی ہوئیں اور ایک سال میں گیس چارجز میں 62.8 اضافہ ہوا۔
ایک سال کے دوران گھریلو سامان 40.3 فیصد، گاڑیوں کے آلات 4.6، تعمیراتی سامان 26.5 فیصد مہنگا ہوا اور ایک سال میں بجلی چارجز 8.24 فیصد اضافہ دیکھنے کو ملا۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
