05 ستمبر ، 2023 
ایشیاکپ: بنگلادیش کیخلاف میچ کیلئے قومی ٹیم کا اعلان، پلیئنگ الیون میں ایک تبدیلی
05 ستمبر ، 2023
ایشیاکپ کے سپر فور مرحلے میں بنگلادیش کے خلاف میچ کے لیے پاکستان کرکٹ ٹیم کا اعلان کر دیا گیا، قومی ٹیم میں ایک تبدیلی کی گئی ہے۔
پاکستان اور بنگلا دیش کے درمیان ایشیا کپ سپر فور مرحلے کا پہلا میچ کل قذافی اسٹیڈیم لاہور میں کھیلا جائے گا۔
پاکستان نے بنگلا دیش کے خلاف کل ہونے والے میچ کے لیے 11 کھلاڑیوں کا اعلان کر دیا ہے۔فاسٹ بولنگ آل راؤنڈر فہیم اشرف نے اسپنر محمد نواز کی جگہ لے لی ہے۔
قومی ٹیم میں اوپنر امام الحق، فخر زمان، بابر اعظم، افتخار احمد، محمد رضوان، سلمان علی آغا، شاداب خان، فہیم اشرف، حارث رؤف، شاہین آفریدی اور نسیم شاہ شامل ہیں۔
ایشیا کپ کے پہلےمرحلے میں پاکستان نے افتتاحی میچ میں نیپال کو شکست دی تھی جبکہ بھارت کے خلاف دوسرا میچ بارش کی نذر ہوگیا تھا۔
واضح رہے کہ ایشیا کپ 31 اگست سے 17 ستمبر تک کھیلا جائےگا، ایونٹ کے 9 میچز سری لنکا اور 4 میچز پاکستان میں ہوں گے۔
سپر 4 پلے آف کے میچز 6 سے 15 ستمبر تک ہوں گے جبکہ 17 ستمبر کو ٹورنامنٹ کا فائنل کولمبو میں کھیلا جائےگا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
