06 ستمبر ، 2023 
ون ڈے میں بابر کی بادشاہت برقرار، شاہین کی بھی اونچی اڑان
06 ستمبر ، 2023
انٹرنیشنل کرکٹ کونسل ( آئی سی سی ) کی ون ڈے رینکنگ میں قومی ٹیم کے کپتان بابر اعظم کی پہلی پوزیشن برقرار ہے۔
آئی سی سی کی جانب سے ون ڈے کی تازہ رینکنگ جاری کی گئی ہے جس میں پاکستان کے کپتان بابر اعظم 882 پوائنٹس کے ساتھ بدستور پہلے نمبر پر موجود ہیں جبکہ جنوبی افریقا کے رسی وین ڈر ڈوسن دوسری اور بھارت کے شبمن گل تیسری پوزیشن پر ہیں۔
ون ڈے بیٹرز کی رینکنگ میں پاکستان کے امام الحق چوتھی اور فخر زمان ساتویں پوزیشن پر موجود ہیں ہیں، ایشیا کپ کے آغاز سے قبل امام الحق تیسری اور فخر زمان پانچویں پوزیشن پر تھے۔
دوسری جانب ون ڈے بولرز کی رینکنگ میں قومی فاسٹ بولر شاہین آفریدی ٹاپ 5 بولرز میں آگئے ہیں، تازہ رینکنگ میں شاہین آفریدی پانچویں پوزیشن پر ہیں۔
شاہین آفریدی ایشیا کپ کے آغاز سے قبل نویں پوزیشن پر تھے، بھارت اور نیپال کے خلاف شاندار بولنگ کے بعد فاسٹ بولر شاہین آفریدی نے 4 درجے ترقی کی ہے، فاسٹ بولر نے 2 میچز میں 29 ریٹنگ پوائنٹس لے کر 4 درجے ترقی حاصل کی۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
