07 ستمبر ، 2023 
پاکستان
فوٹو: فائل
لیاری میں بچوں کی لڑائی پر بڑوں میں فائرنگ، نوجوان ہلاک
07 ستمبر ، 2023
لیاری کے علاقے کلاکوٹ میں بچوں کی لڑائی پر بڑوں نے فائرنگ کر دی جس کے نتیجے میں ایک شخص ہلاک ہو گیا۔
سینیئر سپریٹینڈنٹ پولیس سٹی عارف عزیز کے مطابق واقعہ لیاری کے علاقے کلاکوٹ میں شہنشاہی روڈ پر ہوا۔
پولیس کا کہنا ہے کہ اسلام محلہ میں پیش آئے واقعہ میں بچوں کی لڑائی ہوئی تھی جس میں بڑے کود گئے۔ ہاتھا پائی کے دوران احسن نامی ملزم نے فائرنگ کر دی جس کے نتیجے میں 20 سالہ نوجوان یاسین علی ہلاک ہو گیا۔
پولیس کے مطابق مقتول کی لاش سول اسپتال منتقل کردی گئی جبکہ ملزم کو گرفتار نہیں کیا جا سکا۔
