09 ستمبر ، 2023 
پاکستان
کمشنر پشاور کی زیر صدارت اجلاس میں مستحق والدین کو سوشل ویلفیئر کی جانب سے سلائی مشینیں فراہم کرنے کا فیصلہ کیا گیا— فوٹو: فائل
پشاور: بچوں کو گداگری کیلئے استعمال کرنے والوں کیخلاف کارروائی کا فیصلہ
09 ستمبر ، 2023
پشاور میں ضلعی انتظامیہ اور دیگر متعلقہ اداروں نے بچوں کو گداگری کیلئے استعمال کرنے والوں کے خلاف کارروائی کا فیصلہ کرلیا۔
پشاور کے کمشنر محمد زبیر کی زیر صدارت میں گداگری کے خاتمے کیلئے منعقدہ اجلاس میں بتایا گیا کہ صوبہ سندھ سے بڑی تعداد میں بچے گداگری کیلئے پشاور لائے گئے ہیں جن کو مخصوص ٹھیکے دار استعمال کرتے ہیں۔
اجلاس میں بتایا گیا کہ گداگری کیلئے استعمال ہونے والے یہ یتیم بچے توجہ نہ ملنے پر منشیات کے عادی بن رہے ہیں۔
گداگری کے خاتمے کے خلاف اجلاس کے دوران ان بچوں کو تحویل میں لے کر سندھ حکومت کے حوالے کرنے اور مستحق والدین کو سوشل ویلفیئر کی جانب سے سلائی مشینیں فراہم کرنے کا فیصلہ کیا گیا۔
