12 ستمبر ، 2023 
بھارت نے پاکستان کو شکست دیکر انٹرنیشنل ورچوئل اسکریبل چیمپئن شپ جیت لی
12 ستمبر ، 2023
بھارت نے پاکستان کو شکست دےکر انٹرنیشنل ورچوئل اسکریبل چیمپئن شپ جیت لی۔
بھارت کے مادھو کامتھ نے شاندار کارکردگی کا مظاہرہ کرتے ہوئے انٹرنیشنل ورچوئل اسکریبل ٹورنامنٹ کے بیسٹ آف 5 فائنل میں پاکستان کے علی سلمان کو شکست دے دی، سری لنکا کے ہیون دلمتھ تیسرے نمبر پر رہے۔
ٹورنامنٹ کا انعقاد پاکستان اسکریبل ایسوسی ایشن کی جانب سے ہیپی ہوم اسکول کراچی کی 75 ویں سالگرہ کی تقریبات کے موقع پر کیا گیا۔
چیمپئن شپ میں8 ممالک کے 40 سے زائد کھلاڑیوں نے حصہ لیا۔
دو روزہ چیمپئن شپ کے پہلے روز ہفتے کو پہلے دن کے اختتام پر ٹاپ دو سلاٹس پر پاکستان کے عفان سلمان اور ان کے بھائی علی سلمان کا قبضہ تھا لیکن بھارت کے مادھو کامتھ نے دوسرے دن انہیں پیچھے چھوڑ کر ٹاپ پوزیشن حاصل کی اور فائنل کے لیے کوالیفائی کر لیا۔
پھر علی سلمان نے اپنے چھوٹے بھائی عفان کو شکست دے کر فائنل میں کوالیفائی کیا جہاں وہ بیسٹ آف فائیو فائنل میں بھارت کے مادھو کامتھ سے شکست سے دوچار ہوئے۔
کوئٹہ گلیڈی ایٹرز کے مالک ندیم عمر ایونٹ کے مہمان خصوصی تھے،انہوں نے کھلاڑیوں میں انعامات تقسیم کیے، اس موقع پر غزالہ نظامی، طارق پرویز، ڈاکٹر ملیحہ اور دیگر موجود تھے۔
مزید خبریں :
’چیتا‘ قرار دیدیا، بابراعظم بھی اوپنر صائم ایوب کے مداح ہوگئے
23 دسمبر ، 2024
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
