21 ستمبر ، 2023 
کراچی: کورنگی کازوے پر پولیس مقابلے کے بعد 4 اسٹریٹ کرمنلز گرفتار
21 ستمبر ، 2023
کراچی پولیس کے اسپیشل انویسٹی گیشن یونٹ (ایس آئی یو) نے کورنگی کاز وے پر مقابلے کے بعد 4 ملزمان کو زخمی حالت میں گرفتار کر لیا۔
ایس ایس پی ایس آئی یو جنید شیخ نے بتایا کہ پولیس مقابلے میں ملزمان عرفان، کاشف لاشاری، ضمیر اور وحید زخمی ہوئے جنہیں گرفتار کر لیا گیا ہے جب کہ ملزمان کے قبضے سے 4 پستول اور 2 موٹر سائیکل بھی برآمد ہوئیں۔
جنید شیخ نے مزید بتایا کہ ملزمان کراچی کے مختلف علاقوں میں بینکوں سے کیش لے کر نکلنے والے لوگوں کو اسلحہ کے زور پر لوٹتے تھے اور ملزمان نے متعدد وارداتوں میں ملوث ہونے کا اعتراف بھی کیا ہے۔
ایس ایس پی کے مطابق ملزمان نے اعتراف کیا کہ انہوں نے سال 2021 کے آخر میں مدینہ کالونی تھانے کی حدود میں بینک سے کیش لے کر نکلنے والے ہیڈ کانسٹیبل ظہیر کو بھی ڈکیتی مزاحمت پر قتل کیا۔
مزید خبریں :
کراچی میں ڈاکوؤں نے ایک اور چراغ گُل کر دیا
9 گھنٹے پہلے
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
