21 ستمبر ، 2023 
ویڈیو: شاہین آفریدی کے ولیمے کی تقریب، ساتھی کرکٹرز سمیت دیگر شخصیات کی شرکت
21 ستمبر ، 2023
قومی کرکٹ ٹیم کے فاسٹ بولر شاہین شاہ آفریدی کے ولیمے کی پروقار تقریب اسلام آباد میں منعقد ہوئی جس میں قومی کھلاڑیوں سمیت سماجی اور کرکٹ سے وابستہ شخصیات نے شرکت کی۔
قومی کرکٹ ٹیم کے فاسٹ بولر شاہین شاہ آفریدی دلہن بیاہ لائے ، جمعرات کو اسلام آباد میں ولیمے کی شاندار تقریب منعقد ہوئی۔
شاہین شاہ آفریدی نے ولیمے میں کالے رنگ کا سوٹ زیب تن کیا جبکہ سسر شاہد آفریدی بھی کسی سے کم نہ دکھائی دیے، تقریب کے لیے سجائے گئے ہال میں شاندار انٹری دی۔
دعوت ولیمہ میں قومی ٹیم کے کھلاڑیوں سمیت سابق کھلاڑی بھی شریک ہوئے، تقریب میں لاہور قلندرز کے چیف ایگزیکٹیو عاطف رانا ،سی او او ثمین رانا اور ڈائریکٹر کرکٹ عاقب جاوید کے ہمراہ قومی کرکٹ ٹیم کے کپتان بابر اعظم، شاداب خان، امام الحق، حارث رؤف، نسیم شاہ، فخرزمان ، محمد رضوان اور اولمپئن ارشد ندیم نے بھی شرکت کی۔
واضح رہے کہ شاہین آفریدی کی شادی 19 ستمبر کو شاہد آفریدی کی صاحبزادی انشا آفریدی سے ہوئی تھی۔
شاہین آفریدی اور انشا آفریدی کا رواں برس فروری کے آغاز میں کراچی میں نکاح ہوا تھا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
