22 ستمبر ، 2023 
فیصل آباد میں اسمگل شدہ پیٹرول کی فروخت روکنے کیلئےکریک ڈاؤن
22 ستمبر ، 2023
فیصل آباد: سول ڈیفنس نے شہر میں اسمگل شدہ پیٹرول کی فروخت روکنے کریک ڈاؤن کرتے ہوئے 240 منی پیٹرول پمپس ختم کردیے۔
ملک بھر کی طرح فیصل آباد میں بھی اسمگل شدہ پیٹرول کی فروخت میں ملوث مافیا کے خلاف کریک ڈاؤن جاری ہے جہاں سول ڈیفنس کی جانب سے کریک ڈاؤن کے دوران پیٹرول کی غیر قانونی فروخت 95 فیصد تک ختم کرنے کا دعویٰ کیا گیا ہے۔
سول ڈیفنس حکام کا کہنا ہے کہ اسمگل شدہ پیٹرول کی فروخت کے کاروبار کو 95 فیصد تک شہر سے ختم کر دیا گیا ہے جس دوران 240 مشینیں ضبط کی گئی ہیں اور 42 ڈبہ اسٹیشن جو کین میں ڈبہ رکھتے تھے ان کو بھی ضبط کیا گیا جب کہ 85 دکانوں کو سیل کیا گیا ہے۔
ضلعی انتظامیہ کا کہنا ہے کہ غیر قانونی پیٹرول فروخت کے 350 مقامات ختم کردیے گئے ہیں تاہم اس کام کے مکمل خاتمے تک کریک ڈاؤن جاری رہے گا۔
شہریوں نے کہا ہےکہ انتظامیہ کی جانب سے اس غیر قانونی کام کو روکنے میں بہت دیر کی گئی ہے لیکن اب اسے منطقی انجام تک پہنچانا چاہیے۔
مزید خبریں :
کراچی میں ڈاکوؤں نے ایک اور چراغ گُل کر دیا
8 گھنٹے پہلے
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
