23 ستمبر ، 2023 
پاکستان کومیثاق معیشت کے بجائے وسیع پالیسی تبدیلیوں کی ضرورت ہے: ڈائریکٹر ورلڈ بینک
23 ستمبر ، 2023
عالمی بینک کے کنٹری ڈائریکٹر نجے بینہیسن نے کہا ہے کہ پاکستان کو میثاق معیشت کے بجائے وسیع البنیاد پالیسی تبدیلی کی ضرورت ہے، پالیسی ساز، سیاسی جماعتیں معاشی اصلاحات کے 5 نکاتی ایجنڈے پر اتفاق رائے پیدا کریں۔
اسلام آباد میں روشن مستقبل کے عنوان سے سیمینار میں خطاب کرتے ہوئے انہوں نے کہا کہ پاکستان میں سالانہ 7.2 کھرب کی بجائے 14 سے 15 کھرب روپے وصولی ہو سکتی ہے، ٹیکسوں کی شرح میں 3 فی صد اضافے کیلئے رئیل اسٹیٹ اور زراعت پر ٹیکس لگایا جائے، طویل المدتی ٹیکس وصولی جی ڈی پی کے 9.6 فی صد ہو سکتی ہیں۔
انہوں نے کہا کہ موجودہ نظام سے بجلی پیدا کرنے والوں کو بہت زیادہ منافع مل رہا ہے، بجلی کی تقسیم کار کمپنیوں میں غیر مستعدی اور بدانتظامی سے نقصانات میں اضافہ ہوتا ہے۔
اپنے خطاب میں انہوں نے کہا کہ پاکستان میں ایک کروڑ 25 لاکھ افراد غربت کا شکار ہوئے ہیں، غربت کی شرح 6.3 فی صد سے بڑھ کر 12.2 فی صد ہوگئی ہے، پاکستان کو امیر طبقے پر ٹیکس استثنیٰ ختم اور سیلز ٹیکس پر انحصار کم کرنا ہوگا۔
انہوں نے کہا کہ پاکستان کو انسانی وسائل جیسے مسائل کا بھی سامنا ہے، بچوں کی ذہنی و جسمانی نشوونما بھی ایک مسئلہ ہے، پاکستان تمباکو سمیت سماجی طور پر نقصان دہ اشیا پر ٹیکس بڑھائے۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
سونے کی قیمت میں بڑا اضافہ، فی تولہ کتنے کا ہوگیا؟
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
